您现在的位置是: 首页 > 环球热点 >

齐频 5G!复古怀旧!Moto RAZR 开箱评测型到爆!

  • 2021-02-12 18:58:43

老实讲,寻日版主出完报价之后,我都係对 Moto RAZR 无乜兴趣,重点係 $12990 呢个价,点解我唔买三星 Galaxy Z Flip 5G? 不过今日版主见过部真机,上手掂过部机,明白到有啲嘢係三星部摺机畀我唔到,讲型,其实 Moto RAZR 比起 Galaxy Z Flip 5G,真係型到爆。即刻喺现场极速同大家做个开箱评测!睇下文啦!


  Moto RAZR 开箱!包装盒设计有心思 Moto RAZR 定位同三星 Galaxy Z Flip 5G 一样,都係追求轻巧便携,不过 RAZR 仲有一个更值得考虑嘅卖点,就係具有经典复刻嘅设计,好有以前 Motorola 摺机嘅感觉,係结合咗怀旧 + 现代嘅合成品。手机採用了弧形边缘设计,并具有后置指纹感应器,比起 Galaxy Z Flip 5G 好嘅係,Galaxy Z Flip 5G 个芒点搞都仲係会有少少摺痕存在,但 RAZR 版主现场睇过,真係唔会见到有摺痕,呢个确实係几唔错!不过戴返个头盔先,用耐咗会唔会都有摺痕,呢个我都唔知,反正现场果啲机见唔到有啰~

至于会唔会摺得多会易坏,Moto 表示进行过严格测试,包括反覆摺合、跌撞、温度以及其他耐压测试,可以承受 200,000 次摺合,而一般用户每日平均摺合手机 40 次,高用量用家每日平均摺合 100 次,Moto 表示就算高用量用家起码可以用到 5 年喎 (首先部机要捱到 5 年)。另外,手机特製保护涂层,可以做到防刮,而且仲有内部防水层,可以防溅水。

打开 Moto RAZR,会见到有 6.2 吋嘅 21:9 OLED Flex View 屏幕,不过佢就做唔到好似 Galaxy Z Flip 5G 咁,可以好有弹性咁控制摺芒嘅角度。而摺埋部 Moto RAZR 之后,亦都会见到有个 2.7 吋 Quick View 触控式副芒,可以快速用副芒做一啲简单嘅操作,有趣嘅係,副芒连 PUBG 都可以开得到。当然,我哋就唔会傻到走去用个细芒去玩 PUBG 啦,佢个芒个实用功能,係如果你收到讯息之类,可以直接喺副芒度回覆就 OK,唔使揭开部手机。
  包装盒有少少似 ASUS ROG Phone 咁,都係三角形。 个盒可以化身成一个「扩音器」。 入面有个好似眼镜盒嘅,用来放配件。 跟机火牛支持最高 18W 输出。 2.7 吋副芒。 开 PUBG 都得。 打开係 6.2 吋 21:9 芒,见唔到摺痕。 不过底部位置凸出,会阻住手势回到主页。 底部係 Type C 槽。 背后有结合 Moto Logo 嘅指纹辨识键。
▲ 有一个好型嘅功能,叫做「Retro Razr」,佢嘅作用係将屏幕画面变成经典 Moto 手机嘅介面,好似下图咁:


▲ 连旧机「起哂格」嘅画面都做到足,似到十足十。
  配 S765G 处理器!Moto RAZR 效能测试 Moto RAZR 配备了 Qualcomm Snapdragon 765G 2.4GHz 处理器,内置 8GB RAM 以及 256GB ROM,不过电量就细啲,得 2800mAh。而版主都循例同大家做一做效能测试,用安兔兔评测测试 CPU / GPU 成绩,用 AndroBench 5 测试 ROM 的读写速度。成绩如下:


▲ 安兔兔跑分为 292522 分,呢个成绩比起正常 S765G 手机跑分低,一般 S765G 手机跑分大约为 33 万左右 (vivo X50 / X50 Pro 分别为 324116 以及 333322 分,小米 10 Lite 都有 322825 分)。当中的 CPU 成绩为 87597 分,而 GPU 成绩则为 92455 分。


▲ 连续读取 / 写入速度分别为 914.49 MB/s 以及 462.52MB/s,呢个速度代表佢个 ROM 係用上 UFS 2.1。而随机读取 / 写入速度则为 131.93 MB/s 以及 115.16 MB/s,代表使用体验还算不错,唔会话超级顺畅,但又唔会慢。
  48MP 单镜头!Moto RAZR 实拍速睇 Moto RAZR 配备咗 48MP 相机,支持 OIS 光学防震,配备 Quad Pixel 技术,低光灵敏度提升 4 倍,而光学图像稳定功能可弥补图像及影片模糊情况,呈现细腻清楚嘅细节。另外,自拍都係用返同一个镜头,ToF 感应器加入雷射自动对焦技术,Moto 表示可以令相机更快对焦拍摄。

单镜头影出嚟质素如何?畀两张相大家评下啦:


▲ 得益于 48MP 高像素镜头,保留足够的细緻度,咖啡机上嘅细字,放大后可以清楚睇得到。


▲ 而拍摄出嚟嘅成像,色準、颜色都是合格质素。不过日拍其实部部手机影出嚟都唔会相差好远,而因为手机无得借走,无法测试夜拍水平如何,呢点有少少可惜。
  小结 用咗唔够半个钟嘅时间,简单玩过吓部手机,觉得呢部 Moto RAZR 其实真係几正,若果唔睇价钱,纯以玩机角度,呢部手机都算係有啲睇头,总有唔少人会锺意啲经典复刻嘅嘢吧~初步睇手机都算係流畅,而且呢部手机唔单止支援 5G,而且仲要係齐频,用嘅 5G 频段,包括 n79 佢都有支持,呢个係值得一提嘅优点,如果唔係 csl. CMHK 呢啲网络商去到结界区,无 5G 用就有 5G 机都无用啦~网友又对呢部手机有无兴趣呢?留言讨论一下吧!
 

Top